لفرق بين الجوج ڤيرسيونات ديال: "مهدي بن تومرت"

</ref> هوا واحد لمعدل دياني [[لمغريب|مغريبي]] مسلم من قبايل [[مصامدا|مصمودة]] ؤهوا لأب الروحي ديال الدولة [[لموحدين|لموحدية]] التومرتية ؤ لبناي اللول ديال لموڤمو لموحيدي، تزاد ف [[جبال أطلس|لأطلس الصغير]] ف جوايه ديك 1080م. لواليد ديالو جا من قبيلة ديال أرغن ؤ لواليدة ديالو جات من لقبيلة ديال إمسكالن اللي بجوجهوم فروعا ديال مصمودة. السيد هادا عندو تأتير عضيم و كبير ؤ ماليه متيل على لمغريب سيرتو فالدين و السياسة و لاتر ديالو باقي حتال دابا حيت معا التأسيس ديالو ل أعضم دولة ݣاع فلغرب لإسلامي وخلا بيها لمغريب يوصل ل حد التواسع ديالو ب لفضل د لمحضار و لعشير ديالو [[عبد لمومن لݣومي]]، هوا اللول اللي دخل مفهوم "إمارة لمؤمنين" ل لمغريب و ماعتارفش ب لخلافة ف لمشرق د [[لخلافة لعباسية|لعباسيين]] و [[لفاطميين]]. ؤ هوا اللي حط لقاعيدة د لحزب الراتيب اللي كايتقرا ف [[جامع|الجوامع]] د لمغريب جماعة ليومينا هادا فلفجر و لمغرب، ؤ هوا بنادم اللولاني اللي تشهد بالديكر دلكلمة ديال "مخزن" باش يمعني على السلطة لمركزية ديال لبلاد.<ref>{{Cite book
|title=أخبار المهدي بن تومرت وبداية دولة الموحدين
|author=[[البيذق]]
}}
</ref> يقدر يتݣال باللي بن تومرت هوا اللي رشم لملامح اللولة و رّئيسية ديال الدولة لمغريبية اللي كانعرفوها دابا.

تزاد محمد بن تومرت ف جوايه عام 437هـ/1080م ف واحد ليبان اللي كانت فيه [[لمرابطين|الدولة لمرابطية]] ديال صحراوا الصناهجا فلعز دلقوة ديالها واللي كانت شادة من غانا حتال [[قرطبة]]، فلقبيلة ديال هرغة، وهيا وحدة من بين لقبايل لكبار ديال [[مصمودة]] اللي كانت شادة لوتاد فبلاد [[سوس]]، واما السمية ديال تومرت [[تاشلحيت|بتاشلحيت]] راه كاتعني السعد وكاتقول لخبّيرة باللي ماحناه (جداتو) فاش ولدات باه نقزات و غوتات بلفرحة وبدات كاتقول "'''''أتومرت إينو!..أتومرت إينو''!'''" زعما "أسعدي! أسعدي!"<ref>{{Cite book
|title=الدارجة المغربية مجال توارد بين الأمازيغية و العربية
|author=محمد شفيق
|page=الصفحة 88
}}
</ref>، وكان باه عبد الله تومرت راجل دياني و معقول ؤ عندو مقام عالي فالدوار ديالو، وهادشي غايدكرو بن خلدون و غايقول عليه "''كان أهل بيته أهل نسك و رباط''" زعما كبر ف فاميلة ناسها دايينها فالدين ديالهوم هادشي علاش ضروري كان غايتأتر بيهوم و غايتحل على لكتوبا و لقراية دلعلوم الدينية و الشرعية.