لفرق بين الجوج ڤيرسيونات ديال: "مهدي بن تومرت"

'''محمد بن تومرت السوسي المهدي''' <ref>https://data.bnf.fr/fr/16540414/muh_ammad_ibn_tu_mart/</ref> هوا واحد لمعدل دياني مغريبي مسلم من قبايل [[مصامدا|مصمودة]] ؤهوا لأب الروحي ديال الدولة الموحدية التومرتية ؤ لبناي اللول ديال لموفمو لموحيدي، تزاد [[جبال أطلس|فالأطلس الصغير]] فجوايه ديك 1080م. لواليد ديالو جا من قبيلة ديال أرغن ؤ لواليدة ديالو جات من لقبيلة ديال إمسكالن اللي بجوجهوم فروعا ديال مصمودة. السيد هادا عندو تأتير عضيم و كبير ؤ ماليه متيل على لمغريب سيرتو فالدين و السياسة ولاتر ديالو باقي حتال دابا حيت معا التأسيس ديالو لأعضم دولة ݣاع فلغرب لإسلامي وخلا بيها لمغريب يوصل لحد التواسع ديالو بلفضل دلمحضار و لعشير ديالو عبد لمومن لݣومي، هوا اللول اللي دخل مفهوم "إمارة المؤمنين" للمغريب و ماعتارفش بلخلافة فلمشرق دلعباسيا و لفاطميا ؤ هوا اللي حط لقاعيدة دلحزب الراتيب اللي كايتقرا فالجوامع دلمغريب جماعة ليومينا هادا فلفجر و لمغرب، ؤحتا هوا بنادم اللولاني اللي تشهد بالديكر دلكلمة ديال "مخزن" باش يمعني على السلطة لمركزية اللي لبلاد.<ref>أخبار المهدي بن تومرت وبداية دولة الموحدين - البيذق</ref> إيقدر إيتݣال باللي بن تومرت هوا اللي رشم لملامح اللولة و الرايسية ديال الدولة لمغريبية اللي كانعرفوها دابا.

تزاد محمد بن تومرت تقريبا فعام 437ه/1080م فواحد ليبان اللي كانت فيه الدولة لمرابطية ديال صحراوا الصناهجا فلعز دلقوة ديالها واللي كانت شادة من غانا حتال قرطبة، فلقبيلة ديال هرغة، وهيا واحد من بين لقبايل لكبار ديال [[مصمودة]] اللي كانت شادة لوتاد فبلاد سوس، واما السمية ديال تومرت [[تاشلحيت|بتاشلحيت]] راه كاتعني السعد وكاتقول لخبيرة باللي ماحناه (جداتو) فاش ولدات باه نقزات و غوتات بلفرحة وبدات كاتقول "'''''أتومرت إينو!..أتومرت إينو''!'''" زعما "أسعدي! أسعدي!"<ref>الدارجة المغربية مجال توارد بين الأمازيغية و العربية لمحمد شفيق (الصفحة 88)
</ref>، وكان باه عبد الله تومرت راجل دياني و معقول ؤ عندو مقام عالي فالدوار ديالو، وهادشي غايدكرو بن خلدون و غايقول عليه "''كان أهل بيته أهل نسك و رباط''" زعما كبر ف فاميلة ناسها دايينها فالدين ديالهوم هادشي علاش ضروري كان غايتأتر بيهوم و غايتحل على لكتوبا و لقراية دلعلوم الدينية و الشرعية، هاد الدري كان قراي واعر حتا فعمر صغير قدر يحفض لقران و لحاديت و يعرف شحال من حاجة فالدين حتا سماو عليه دوارو ب '''"أسافو"''' زعما لمشعل حيت "إيفو" بتاشلحيت هيا "ضوا" / "نوّر". داكشي اللي قرا بن تومرت ولا أسافو فدوارو الصغير فسوس ماقدوش وماشبعش من لعافية دلقراية و التبقشيش اللي شاعلة فيه داكشي علاش مشا للأندالوس فقرطبة اللي كانت لعاصمة ولحاضرة دلعلوم فداك الزمان وقرا عند أساسيد كبار لهيه بحال لقاضي بن حمدين اللي كان واحد الساد مجهد و مشهود ليه بمعرفتو لواسعة. مورا مادوز شي بركة دلوقت تما داز للمشرق و سبق بلإسكندرية فميصرا ؤ كان ولف يحضر للدروس ديال بوبكر الطرطوشي و عاد داز للحجاز تما فين دار لفرض دلحج وزاد كمل طريقو لبلاد الشام ومنبعد لبغداد فلعيراق فاش تلقا لعلوم عند عولامها لكبار... فاش بن تومرت وصل لهاد لبلدان لقا باللي الدولة لمسلمة دلعباسيا بدات كاضعاف و لحملات الصاليبية قدرات تزطم على لقدس ف1099م.