لفرق بين الجوج ڤيرسيونات ديال: "السينيݣال"

تم حذف المحتوى تمت إضافة المحتوى
ص طّاڭ ديال ناقصين تصاور تحيّد
ص إصلاح ديال طّاڭات د لعيون
سطر 2:
'''السينيݣال'''، رسميا لجمهورية د السينيݣال (ب [[لفرانساوية]]: République du Sénégal - ب لوولوف: Réewum Senegaal) هي بلاد جات ف لغرب د [[إفريقيا]]، ف لجنوب د لواد د السينيݣال. تاتحدّها من الشمال [[موريطانيا]]، من لغرب [[لموحيط لأطلاسي|لمحيط لأطلسي]]، من الشرق [[مالي]]، و من لجنوب [[غينيا]] و [[غينيا بيصًاو]]. من غير هاد لحدود، السينيݣال ضايرة على بلاد آخرا من ݣاع الجوايه (هاد لبلاد جات داخلة فيها كاملة، من غير لغرب، اللي كيطل على لبحر)، و اللي هي [[ݣامبيا]].
 
لبلاصة اللي فيها السينيݣال دابا تستعمرات من [[فرانسا]] ف لوسط د لقرن 19 (جوايه 1850)، و لكن شي بلايص ستعمراتهم [[لمملكة لمتحدة|بريطانيا]] (ولاّو مبعد هوما ݣامبيا). لحدود اللي تدارت ما بيناهم بجوج كانت هي باللي ݣامبيا غا تكون هي لبلاصة اللي ما بين 10 كيلوميطر من الشمال و لجنوب ديال لواد ݣامبيا، و داكشي لاخر هو السينيݣال. ستاقلات السينيݣال من فرانسا ف 20 يونيو 1960، و دارت دولة وحدا مع مالي كانت سميتها "لفيديرالية د مالي". هاد الدولة تفرقات مورا شهراين (20 غشت 1960)، و ولاّت كل وحدا فيهم بلاد.<ref>[https://www.elzmannews.com/303084 تعرف علي دولتي السنغال ومالي في ذكري استقلالهم - الزمان (2020)]
</ref> ما بين 1982 و 1989 تجمعات السينيݣال و ݣامبيا ف بلاد وحدا كانت سميتها "سينيݣامبيا" و تا هي تفرقات. ف 1991 سيناو بجوج اتفاقية ديال الصحبة و لمعاونة بيناتهم، و اللي باقي متبعينها تال دابا.
 
تيسكنو ف السينيݣال تقريبا 16 لمليون د الناس، و لعاصمة ديالها هي [[داكار]]. اللغة الرسمية د لبلاد هي لفرانساوية (اللغة د لوولوف كاتخدّم بزاف تا هي)، و لفلوس اللي كيتخدّمو هوما لفرنك ديال غرب إفريقيا. السينيݣال دولة داخلة ف بزاف د لمنضمات الدولية بحال [[لأمم لمتحدة]] و [[ليتيحاد ليفريقي|لإتحاد لإفريقي]] و [[إيكوواس]].