لفرق بين الجوج ڤيرسيونات ديال: "ويكيپيديا:ميزان لكلام"
تم حذف المحتوى تمت إضافة المحتوى
ص Undid edits by 105.71.19.99 (talk) to last version by MenoBot وسوم: رجوع SWViewer [1.4] |
Ideophagous (مداكرة | مساهمات) |
||
سطر 73:
:السلام {{جاوب|Ideophagous}}. شكرا بزاف حيت جبدتي هاد النقاش لمهم بزاف. الصراحة لإقتراح ديالك مزيان (هو اللي كانخدم بيه ملّي كاندير لأرقام). اللي غايبقا صعيب هو واش نتا ساهل ليك تدير عطاشة تاتقاد لفواصل لا عرفتي هاد لحالات ب تلاتة؟ -- [[مستخدم:Anass Sedrati|Anass Sedrati]] ([[نقاش المستخدم:Anass Sedrati|نقاش]]) 15:55، 24 فبراير 2022 (+01)
::سلام خاي أناس. تقدر تكون معنكشة شوية ب نّسبة ل نّماري، ولاكين كاينين "تّعبيرات لمعاودة" [[:en:Regular expressions|Regular expressions]] لي كيسهّلو بحال هاد نّوع د لعطاشات. متلاً لپروڭرام يقدر يميز لأعداد من لحروف ب تعبير بحال هادا '[0-9]+' يعني ([0-9] = واحد لحاجة لي فيها نماري 0 تال 9، + = لي كيتّعاودو). حتا يلا ماكانش شي حل كامل، غادي نحاول علّاقل نصلح داكشي لي يقدر يتّصلح ب لبوت، ؤ نعلّم لوخرين ب شي طاڭ ؤلا تصنيف باش نصلحوه بيدينا. ؤ يلا بان ليكوم لبوت دار شي غلطة تقدرو تعلموني ديك سّاع. --[[مستخدم:Ideophagous|Ideophagous]] ([[نقاش المستخدم:Ideophagous|نقاش]]) 16:37، 24 فبراير 2022 (+01)
== لكتابة ديال لكلمات ؤ سّيستيم د لڤواييلات ==
سلام أ دّراري، {{جاوب|Anass Sedrati|Reda benkhadra|THEpr4stro|Mico2022|Fatima Zahra Gouida|Omarboulma1926}}. لاحضت واحد لإشكالية ف لكتابة ديال لكلمات، سيرتو لأجنبية، ب دّاريجة، يمكن سبابها هوّا لخلط مابين سّيستيم د لڤواييلات د لعربية موقابيل ديال دّاريجة. هاد جّوج سيستيمات راهم مختالفين، ؤ لكلمات (لأجنبية) كي كيكتبو ب لعربية، ماشي ب ضّارورة يتكتبو ب نفس طّاريقة ب دّاريجة.
* سّيستيم د لڤواييلات د لعربية: فيه تلاتة د لڤواييلات قصار a (= فتحة)، u (= ضمة)، i (= كسرة)، لي عندهوم موقابيلات طوال كيتمتّلو ف لكتابة ب لمد: ا، و، ي. لاحضو متلا كيفاش كاتّنطق كلمت "بُطُولَة". عندها ڤوييلة u قصيرة مورا لبا، ؤ ڤوييلة u طويلة مورا طّا.
*سّيستيم د لڤواييلات د دّاريجة: كانلقاو دوك تّلاتة د لڤواييلات د لعربية، ولاكين ب لإضافة ل هادشي عندنا 4 د تّويشيات ماكانلقاوش ڭاع ف لعربية:
**واحد لڤواييلة قصيرة بزاف كاتسمّا عند مّالين لّيسانيات "شٖوا" ؤلا "شٖڤا" schwa. لاحضو متلاً لفرق مابين نّطق ديال لفيعل حبـٰس (= وقف، شد شي واحد ف لحـٰبس) ؤ كلمت حـٰبس (لموضع فين كيتّحبس بنادم). كاينين بزاف د لكلمات لي مايمكن نفرقو بيناتهوم غير ب هاد شّٖوا. ولاكين هادا موضوع ل وقت أخور.
**واحد لخاصية كاتسمّا تّدوير لي كاتجي بحال واو خفيفة مورا شي حروف، سيرتو لكاف ؤ لڭاف. متلاً لاحضو لفرق ف نّطقان مابين كمية (مقدار) ؤ كٗمية (خنجر مغريبي). حتا هنا كاينين بزاف د لكلمات لي مايمكن تّمييز بيناتهوم غير ب هاد تّدوير ؤ لي لمعنى ديالهوم كيتبدّل تماماً.
**بشكل عام ماكاينش تمييز مابين ڤواييلات قصار ؤ طوال ف دّاريجة. داكشي علاش لكتابة د لڤواييلات بشكل باين مناسبة ل دّاريجة حيت ماكاينة تا معنى باش نميزو مابين صوت ب لمد ؤ بلا مد. ضونك ف لميتال لي قبل نقدرو نكتبو ب دّاريجة "بوطولة" بلاصت "بطولة".
**لڤواييلة u كاتولي o يلا تلاقت معا كونصونة مفخمة (بحال ط، ض، ص...) ؤ لعكس تا هوّا، يلا شفنا لڤوييلة o كانضن بلي حسن نكتبوها ب كونصونة مفخمة. متلاً لكاتب جّاپوني Akira Toriyama، ف لعربية كيكتبو كنيتو "تورياما"، ولاكين ف دّاريجة كانّطقو "طورياما". ف دّاريجة "تورياما" غادي تكون هاكا Turiyama.
كاينين بزاف د لمواضيع لي خاصهوم يتناقشو هنا، ولاكين نركّزو دابا حسن غير على هاد لبلان ديال لڤواييلات سيرتو نّقطة لّخرانية. لكونصونات ف دّاريجة حتا هوما ب خبيزتهم تا نّاقشوهوم من بعد. ؤ يلا عندكوم مولاحضات مرحبا. تهلاو!--[[مستخدم:Ideophagous|Ideophagous]] ([[نقاش المستخدم:Ideophagous|مداكرة]]) 09:35، 14 مارس 2022 (+01)
| |||