لفرق بين الجوج ڤيرسيونات ديال: "ويكيپيديا:ماتزيدش فيخرات"

'''لمقالات د ويكيپيديا ماخاصش يتزادو فيها فّيخرات''' ؤ '''ويكيپيديا ماشي بلاصة فين كيتنشرو لأبحات لأصلية'''. لمقصود هنا ب "'''فّيخرات'''" ؤ "'''أبحات أصلية'''" هوما وقائع، مقولات ؤلا أفكار، لي ماكايناش [[ويكيپيديا:عيون موتوقة|عيون/مصادر موتوقة]] كاتدعمها. هادشي كيشمل حتا تحليل، سانتيز ؤلا ستينتاجات مبنية على عيون موتوقة، ؤ لي ماكايناش ف حد دّاتها ف عيون موتوقة (سوا ديك لعيون براسها ؤلا ف عيون خرين). ميتال: يلا لكتاتبي كتب ف مقال '''1 + 2 = 3'''، خاص هاد لعيبارة كلها تكون مدكورة ف عين ؤلا عيون موتوقة، سوا حرفيا، ؤلا ب عيبارة خرة عندها نفس لمعنى (متلا ''يلا زدتي واحد على جوج كايعطيو تلاتة''، ''تلاتة هيّا جوج مزيود عليها واحد''، ...)، ماشي لكتاتبي ياخد '''1''' من عين، '''2''' من نفس لعين ؤلا عين خرة، ؤ يستنتج من راسو بلي '''1 + 2 = 3'''. باش تتبت بلي مازدتيش فّيخرات ف مقال، خاصّك تحط عين لي كاتدعم ''بشكل موباشير'' داكشي لي مدكور ف لمقال. باش تعرف كيفاش تزيد عيون، شوف [[مساعدة:كيفاش تزيد لعيون]].