ويكيپيديا:لمراجعية

ف سّياق د ويكيپيديا، لمراجعية هيّا لقابلية باش لمعلومات لي مكتوبة ف مقال تّراجع من طاراف لكتاتبيا ؤ لقاريين، باش يتيقّنو بلي هاد لمعلومات موخودة من عيون/مصادر موتوقة. ويكيپيديا ماكاتنشرش أبحات أصلية، مي ب عتيبارها موسوعة كاتجمّع لمعارف لي ديجا كاينين ف عيون موتوقة، ؤ كاتوفّرها بشكل موتاح ؤ ساهل ل عامة د نّاس. وخا يكون لكتاتبي متيقّن 100% بلي شي معلومة صحيحة، خاص يتأكد بلي قابلة ل لمراجعة قبل ماتزيدها. يلا كانو لعيون متضاربين بيناتهوم ف شي معلومة، خاص لكتاتبي يتّاخد منضور حيادي ؤ يكتب لأراء كاملين لي مطروحين، على حساب لوزن ديالهوم.