لفرق بين الجوج ڤيرسيونات ديال: "ويكيپيديا:منضور حيادي"
تم حذف المحتوى تمت إضافة المحتوى
Ideophagous (مداكرة | مساهمات) زدت لپاج |
Ideophagous (مداكرة | مساهمات) لا ملخص تعديل |
||
سطر 2:
جميع لمحتويات لموسوعية د ويكيپيديا خاصها تكون مكتوبة من '''منضور حيادي'''. هادشي كيعني بلي [[ويكيپيديا:كتاتبيا|لكتاتبي]] خاصو يحاول، على قدر ليمكان ؤ ب نية مزيانة، باش يطرح جميع وجهات د نّاضار لي متعلقة ب موضوع لي كاينة ف [[ويكيپيديا:عيون موتوقة|عيون موتوقة]]، بلا مايحابي ؤلا يفضّل بيناتها (طالمّا كيبقا ف إطار داكشي لي كاين ف لعيون).
هاد سّياسة كاتّعتابر من سّياسات تّلاتة لأساسية د لمحتوى د ويكيپيديا. جّوج لوخرين هوما "[[ويكيپيديا:لمراجعية|لمراجعية]]" (لقابلية د لمراجعة) ؤ "[[ويكيپيديا:بلا فيخرات|بلا فيخرات]]" (لكتاتبي مايزيدش معلومات ؤلا أفكار من راسو). هاد سّياسات تّلاتة ماقابلاش ل نّيقاش، ؤ خاص جميع لكتاتبيا يديرو ما فجهدهوم باش يلتازمو بيها.
== تطبيق عامالي ==
*'''ويكيپيديا خاصها توصف لخلافات، ماشي تدخّل ؤلا تساهم فيهوم''': لخلافات ؤلا لمطايفات سّياسية ؤلا لفكرية ؤلا دّينية ؤ غيرهوم، خاص يتم لوصف ديالها ف لمقالات لمناسبة ب جميع لمنضورات لي كاينة، بلا تاحايّوز ل واحد فيهوم. لكتاتبيا ب طابيعت لحال يقدر يكون عندهوم منضور ؤلا ري ف لموضوع، ولاكين وخا داكشي خاصهوم يكتبو لمقال ؤلا يزيدو معلومات فيه ب نية مزيانة، ؤ بلا مايحاولو يأتّرو ف لقاري باش يتّاخد فيكرة محددة. جميع وجهات نّاضار لي ملقيّة ف عيون موتوقة خاصها تكون ممتّلة لارتيكل، على حساب لوزن ديالها ف نّيقاش (شوف لتحت لفقرة ديال لوزن د وجهة د ناضار).
*'''ماتكتبش ري بحال يلا حقيقة''': ف بزاف د لمواضيع كيكونو أراء مختالفين، لي خاص يعبّر عليهوم لمقال. ولاكين هاد لأراء ماخاصش يتكتبو ب صّوت ديال ويكيپيديا، مي ب سّمية ديال مّاليها. متلاً ماتكتبش '''عبد القادر قدّور واعر ؤ زوين'''، مي '''على حساب لكاتب لمغريبي عمّور بن عامر، عبد القادر قدّور واعر ؤ زوين'''.
=== لوزن د وجهة د ناضار ===
وخا يقدرو يكونو أراء مختالفين على موضوع، ماشي كلهوم كيكونو ممتّلين ب ضّارورة ب نفس لمقدار ف لعيون لموتوقة. لمقال خاصو يعكس هاد لأراء على حساب لوزن ديالها. رّي ؤلا وجهة د نّاضار لي منتاشرة كتر (ف لعيون لموتوقة) خاصها تاخد حيّز كبر ف لمقال من وجهة د نّاضار لي غير مدكورة بشكل عاراضي، ؤلا لي أغلبية د لحرايفيا د شي مجال كيعارضوها.
== عتيراضات ؤ أجوبة ==
*"'''ماكايناش شي حاجة سميتها موضوعية كاملة'''": سّياسة لي كيهضر عليها هاد لمقال هيّا '''لحيادية''' ماشي '''لموضوعية'''. لحيادية هيا تدير لأراء لي كاينين ف لعيون كيما هيّا، على حساب لوزن ديالها، ؤ بلا ماتحاول تميّز بيناتها بشكل متعمّد ؤلا تأتر ف لقاري. لموضوعية هيّا تطرح وجهة د نّاضار وحدة لي كاتّجاوز لمنضور دّاتي ؤلا وجهات نّاضار دّاتية، بحال يلا كاتشوف لموضوع من برّا.
[[تصنيف:سياسات ويكيپيديا]]
| |||