Ideophagous
دخل هادي 26 يوليوز 2020
تم حذف المحتوى تمت إضافة المحتوى
لا ملخص تعديل وسوم: تعديل من تّيليفون تعديل ويب بالتيليفون |
Ideophagous (مداكرة | مساهمات) |
||
سطر 195:
دخل تشوف تعديل ديالي ف [[تاريخ د لمغريب]]. انا غادي نهتم بتاريخ المغرب ونكتب على السلاطين ديال المغرب والشخصيات الدينية المغربية. وغادي نحاول نطور مملكة موريطانيا الأمازيغية ومكناس. وعطيني طريقة باش نشد صلاحية محرر حيت أنا جديد هنا، وبعد اشهر غادي نطور الكتابة ديالي باش تكون 100٪ مغربية دارجة. تحياتي ليك [[مستخدم:Omarboulma1926|Omarboulma1926]] ([[نقاش المستخدم:Omarboulma1926|نقاش]]) 23:55، 2 يناير 2022 (+01)
: سّلام عليكوم سّي {{جاوب|Omarboulma1926}}. أولاً كانشكرك بزاف على لموساهمات ديالك. درت إصلاحات ف لمقال ديال [[تاريخ د لمغريب]]، لي تقدر تطّالع عليها. عندي مولاحضات سريعة لي تقدر تعاونك باش تطور لكتبة ديالك:
# عيون لكلام ضاروريين ف أي تعديل موهيم لي عندو علاقة ب لمحتوى. لموراجيع خاصو باش يراجع لمعلومات لي مدكورة ف لمقال، ؤ لقاري حتا هوّا غادي يبغي يتيقّن من لمصداقية د لمعلومات. يلا ماعرفتيش كيفاش تزيد لعيون، تقدر تخدّم هاد طّاريقة لبسيطة، ب زيادة '''<nowiki><ref>ليان ؤلا سمية د لمرجع</ref></nowiki>''' ف لموضع لي بغيتي تحدد فيه لعين/لمرجع د لكلام. هادشي غادي يعاونك حتا نتا باش تراجع ؤ تزيد معلومات لي تقدر تكون ماكانتيش عارفها ؤلا ماطّيحش على بالك ف لوقت د لكتبة. يلا بغيتي تشوف طاريقة متطورة كتر باش تزيد لعيون ؤ مسايل تقنية خرة، شوف [[ويكيپيديا:الدوزان]].
# لمحتوى خاص يكون موحايد على قدر ليمكان. حتا يلا بغيتي تزيد ريّ ولا حوكم على شي حاجة ؤلا شي واحد، خاص تدير إينا شخص ؤلا جيهة عبّرات على هاد رّي. متلاً مانكتبوش "قدّور عبد القادر زوين ؤ واعر"، مي "على حساب لمؤرخ عمّور بن عامر، قدّور عبد القادر كان زوين ؤ واعر". ف ويكيپيديا ب لعربية كاينة صفحة على هاد لمسألة (باقي خاصنا نطرجموها) [[ar:ويكيبيديا:وجهة النظر المحايدة]].
# حاليا عاطيين حرية كبيرة ف ويكيپيديا ب دّاريجة فما كيتعلّق ب لإملاء ؤ طّاريقة د لكتبة، داكشي علاش غادي تلقا ل حد سّاعة طرقان مختالفين د لكتبة على حساب لكتاتبي، ؤ شي مرات نفس لكتاتبي كيكتب نفس لكلمة ب جوج طرقان مختالفين على حساب ڭانتو. مي كاينين تويشيات لي كنا تّافقنا عليهوم ؤلا كيسببو لتيباس ف لفهامة ؤ خاصهوم يكونو مضبوطين.
##لكتابة ديال لحروف پ، ڤ ؤ ڭ/ݣ/گ، ضارورية باش لقاري يعرف يفرق بين لأصوات لمنطوقة. ف لّهجات د لمدينة سيرتو، لمغاربا ديجا مولفين ينطقو ؤروپا، راپ، پلاطو، ؤلا ڤيترينة، ڤري، ڤيلا، ؤ لڭا موجودة حتا ف لّهجات د لعروبية، متلاً ضرّك (دار ليك ضرر) ماشي هيّا ضرّڭ (خبّا، عكس ورّا). يلا ماعندكش هاد لحروف ف لكلاڤيي لي راك كاتخدّم، شوف واش تقدر تستعمل [https://www.lexilogos.com/clavier/araby.htm هادا].
##لحرف د لعطف حسن يتّكتب و/ؤ، ماشي أو/او، حيت هاد لّخر كيقدر يتّلّف معا لمعنى ديالو ف لعربية (ولّا/أولا/ؤلا).
:من غير هادشي يلا عندك أسئلة ؤلا مولاحضات، ماتبخلش علينا بيها. ب نّسبة ل لقضية ديال صفة محرر، كيما ڭلت ليك مادايرينش تحديد د صّلاحيات ل حد سّاعة، داكشي علاش أي واحد عندو كونط ف ويكيپيديا يقدر يبدّل كيما بغا تقريبا (لحالات د تّخريب كانتعاملو معاها)، ؤ كاينين جوج مستويات خرين هوما أمغار (إداري)، ؤ إداري د لانطيرفاص (إداري الواجهة ف ويكيپيديا لعربية). تّفعيل ديال صفة محرر (هوّا ف لواقع تحديد ديال صّلاحيات د لكتاتبي لعادي) غادي نديروه ملي يولّي عندنا عاداد كبير د لكتاتبيا مداومين، ؤ يولي تدبير لموسوعة صعيب بلا تحديد صّلاحيات. يلا كانو عندك شي صلاحيات ناقصين، غادي يخصك غير تزيد ف لموساهمات، باش يتفعّلو بشكل تلقائي. تهلّا! --[[مستخدم:Ideophagous|Ideophagous]] ([[نقاش المستخدم:Ideophagous|نقاش]]) 09:32، 3 يناير 2022 (+01)
| |||