لفرق بين الجوج ڤيرسيونات ديال: "لحسين السلاوي"

'''لحسين بن بوشعيب''' ( تولد و مات ف [[سلا]]، 4 أبريل 1921 - 16 أبريل 1951)، لمعروف بسميت لحسين السلاوي كان مغني و ملحن مغريبي، من لمغنيين اللوالا اللي تسجلو و أتروا ف لموسيقى الشعبية د لبلاد. السلاوي كان من بين لمغنيين اللوالا اللي دخّلو آلات جديدة للموسيقى د لمغريب، بحال لعود و لكامانجا، اللي جابهم حيت كان مبلي بلأغاني لمصرية ديال محمد عبد الوهاب. السلاوي كان هو أول مغني مغريبي سجل مع ستوديو دولي، و أول واحد دخل لمونولوݣ و لموّال ف لغنا.<ref>[https://www.maghress.com/alittihad/180678 الحسين السلاوي - الفنان الذي غنى عن هموم المواطنين ومشاكلهم - لإتحاد لإشتراكي (2013)]</ref>.

بدا لحسين السلاوي لغنا من صغرو مع لحلايقية د سلا، و كان ديما تيتفرج ف لحلاقي د بوجمعة لفروج ف باب لخميس. ملّي دار 17 لعام، دار لفرقة ديالو و مشا للدار لبيضا فين بدا تا هو تيدير لحلاقي ديالو. ف اللول ديال الربعينات مشا لفرانسا، و تما بدا تيسجّل لأغاني ديالو وتعرف بزاف.<ref>[https://jawak.com/%D9%81%D9%86%D8%A7%D9%86-%D8%A7%D9%84%D8%B4%D8%B9%D8%A8-%D8%A7%D9%84%D9%85%D8%BA%D8%B1%D8%A8%D9%8A-%D8%A7%D9%84%D9%85%D8%B1%D8%AD%D9%88%D9%85-%D8%A7%D9%84%D8%AD%D8%B3%D9%8A%D9%86-%D8%A7%D9%84%D8%B3%D9%84%D8%A7%D9%88%D9%8A-%D9%81%D9%8A-%D8%B0%D9%83%D8%B1%D9%89-%D8%B1%D8%AD%D9%8A%D9%84%D9%87-%D8%A7%D9%84%D8%B3%D8%A8%D8%B9%D9%8A%D9%86%D9%8A%D8%A9-70-11560 فنّان الشّعب المغربيّ المرحوم الحسين السلاوي في ذكرى رحيله السبعينيّة - جواك (2021)]</ref>.