لفرق بين الجوج ڤيرسيونات ديال: "لمداكرة د ويكيپيديا:لحكام د لمحتوى - عيون لكلام"
تم حذف المحتوى تمت إضافة المحتوى
Ideophagous (مداكرة | مساهمات) |
ص بوت: تغييرات تجميلية |
||
سطر 4:
سؤال مفتوح: واش نقبلو لبلوڭات لي تابعين ل لمؤسسات رسمية ؤلا ديال لمجلات د صّيونص، بحال [https://blogs.scientificamerican.com/ لبلوڭ ديال ساينتيفيك أميريكان]، لي مبدئيا يقدر أي واحد يكتب فيها (يلا قبلو ليه باش ينشر تماك)؟ -- [[مستخدم:Ideophagous|Ideophagous]] ([[نقاش المستخدم:Ideophagous|نقاش]]) 12:39، 6 غشت 2021 (+01)
: {{معا}} هادشي اللي ݣلتي {{جاوب|Ideophagous}} وآه لبلوݣات خاص يكونو ممنوعين. غدا نجي نصاوب بلوݣ باللي لمغريب كاين حدا النݣليز ونحطو مصدر فلمقالة دلبلاد، اللي ماعارفش راه غايتيق. يعني لبلوݣات خاص يتمنعو، حتا ديال لمجلّات لمرموقة حيتاش بنفس الشكل غدا غانمشي لساينتيفيك آميريكان ونكتب فيها بلوݣ ديال لمغريب ماكاينش فإفريقيا وغانجي نكتبها هنا كمصدر موتوق. آيه ديك لقضية ديال الري معاها ولاكين يكون اللي كاتب لبلوݣ هو اللي نيت كاتدوي عليه. حݣا كاينة قضية كرف من هادي، عندنا مستخديمين هنايا اللي هوما كتّاب كايخدّمو حسابات تقاشر وكايستعملو لكتوبة ديالهوم مصادر عندنا. آش غانديرو فهادشي؟ --[[مستخدم:سمير تامر|سمير تامر]] ([[نقاش المستخدم:سمير تامر|نقاش]]) 13:08، 6 غشت 2021 (+01)
::و عليكم سلام سي {{جاوب|Ideophagous}} شكرا بزاف ملي جبدتي هاد لقضية، ؤ مزيان باش نحسمو فيها. لمهم، غادي نعطي شي حالات د تخدام د لپلوڭات ف مقالات ديجا كاينين باش نشوفو كيفاش نأضاپطيو لبلوڭات ؤ نخرّجو لحكام د هاد لقضية:
::* [[كاس لعرش (2015)]] ؤ [[كاس لعرش (2017)]] : كيخدمو پلوك باش يعطيو نتايج د كورة
::* [[نضرية د تطور]] ؤ [[باكتيرية]] : كيخدمو پلوڭ باش يفسرو كونسيپطات عيلمية ولا يشرحوها ب داريجة
::* [[إدي پايسر]] : كيخدم پلوڭ شخصي باش يوتق جملة كاينة ف لبيوڭرافي
::* [[النادي المكناسي]] : كيخدم بلوڭ بحال سيت رسمي
::* [[قبيلة الشرفاء اولاد ابي السباع]] : كيخدم پلوڭ بحال عين د لمعلومات لي كاينة
::دونك لي كيبان هو تخدام د لبلوڭات ف لمزاود مافيهش نيقاش، لي كيبقا هو لحالات لي لبلوڭ غادي يكون ممكن ف لعيون (لي ف لغالب خاص يكونو قلال). --[[مستخدم:Reda benkhadra|Reda benkhadra]] ([[نقاش المستخدم:Reda benkhadra|نقاش]]) 13:25، 6 غشت 2021 (+01)
::: خاي {{جاوب|سمير تامر}}. داكشي نيت، حيت أي واحد يقدر يقاد معلومة علا مقاسو ف بلوڭ ب سوهولة، ؤ يزيدها هنا بحال يلا حقيقية. ب نّسبة ل لبلوڭات ديال لمؤسسات رّسمية ؤ ديال لمجلات د صّيونص، كانضن علا حساب شّروط د نّشر لي دايرين عندهوم، داكشي علاش نيت طرحت سّؤال. حيت نقدرو ب نفس لمنطق نرفضو أغلبية د لكتوبا لمنشورين، حيت ماشي ب ضّارورة يكونو كيتراجعو من نّاحية لعلمية. يلا كانو شادين زّكير ف لپروصي د نّشر، يقدر يكون لمحتوى د لبلوڭ عندو نفس لقيمة ديال كتاب ؤلا مقال رسمي متلان. أنا لقتيراح ديالي هوّا ب نّسبة ل هاد نّوع د لبلوڭات (لي دايرينهوم مؤسسات عندها سمعة مزيانة) نشوفو حالة ب حالة.
::: ب نّسبة ل لكونطات تّقاشر، هادي حريرة خرة، خاصنا نّاقشوها بوحدها. ماعرفتش واش عندنا شي أرتيكل إداري علا هاد لمفهوم ديال "كونط تقشيرة" بعدا، حيت خاصنا نعرّفوه ب نّسبة ل نّاس لي ماعارفينوش. -- [[مستخدم:Ideophagous|Ideophagous]] ([[نقاش المستخدم:Ideophagous|نقاش]]) 15:34، 6 غشت 2021 (+01)
::: خاي {{جاوب|Reda benkhadra}}. هادي فيكرة واعرة لي درتي ديال تعطي أمتيلا، باش يكونو لحالات واضحين، ؤ نقدرو نّاقشوهوم بشكل عملي. غادي نعطي تّعليق ديالي علا كولا حالة:
:::* [[كاس لعرش (2015)]] ؤ [[كاس لعرش (2017)]] : يلا كانو هاد نّتايج متوفرين ف سيتات خرين ؤلا ف مقالات د جورنال، ماكانشوفش لاش نخدمو بلوڭ هنا. يلا ل شي سبب ماكانوش موجودين، ؤلا لكتاتبي مالقاش عين مزيانة ل دوك لمعلومات، كانضن يا ماتداروش ف لارتيكل أصلا، يا يتزاد طّاڭ ديال [[قالب:خاص شي مصدر لهادشي]] ف لبلاصة لمناسبة.
:::* [[نضرية د تطور]] ؤ [[باكتيرية]] : هنا لقضية باينة. ماخاصش ڭاع يتخدم لبلوڭ كا عين د لكلام ف لمواضيع د صّيونص. يلا لكتاتبي خدم لارتيكل د لبلوڭ باش يفهم شي تويشية، ماشي موشكيل، ولاكين يقلب علا شي عين وحداخرة علا ود لموتوقية.
:::* [[إدي پايسر]] : هنا كانضن لبلوڭ خاصو يكون غير ف لمزاود، ؤلا باش يعطي لآراء ديال شّخص. لمعلومات علا حياتو خاصهوم شي عين خرة.
:::* [[النادي المكناسي]] : مابانش ليا ب صراحة فين مخدم بلوڭ هنا.
:::* [[قبيلة الشرفاء اولاد ابي السباع]] : هاد لمقال أصلا خاصو يتّحدف كانضن. مكتوب كاملو ب لعربية، ؤ مولاه خاصو يتبانا يلا عاود نفس لحاجة. كنت عطيتو إندار باش يقاد لارتيكل ب دّاريجة ؤ ماشافوش ؤلا تجاهلو.
::: وا هي حريرة الصراحة خاي {{جاوب|Ideophagous}}، فوقاش ما بغيتو نهضرو فيها مرحبا. خاي {{جاوب|Reda benkhadra}} لمقالة د [[قبيلة الشرفاء اولاد ابي السباع]] راه خصها تمسح حيتاش كولها مكتوبة بلعربية لفوصحى وشلّا معلومات بلا مصادر. --[[مستخدم:سمير تامر|سمير تامر]] ([[نقاش المستخدم:سمير تامر|نقاش]]) 15:49، 6 غشت 2021 (+01)
::: {{جاوب|Ideophagous}} بالنسبة ل [[النادي المكناسي]] لبلوݣ كاين فلقالب د لمعلومات.--[[مستخدم:سمير تامر|سمير تامر]] ([[نقاش المستخدم:سمير تامر|نقاش]]) 15:50، 6 غشت 2021 (+01)
:::سلام دراري، متافق لبلوڭ ماشي موتوق ولايني شي مرات كايولي هوا لمرجع لوحداني فلحالة ديال التخدام ديال شي كلمة بالداريجة حيت أصلا الداريجة ماغاتلقاهاش فحتا كتاب رسمي، وهادشي طرا فلبلوڭ ديال قاموس دالسبيطار "باكتيرية" وكايبان ليا عندو واحد الدرجة من لحق وماغاديش يأتر على التيقة ديال النص حيت ماكايعطي حتا معلومة عيلمية غير كايطرجم ليك كلمة من الدارجة لفرونسي، فهاد لحالة شنوهوا لحل اللي خاصنا نتبعو ؟ شنو هوا كونط تقاشر بعدا؟
:::: لكلمات يلا لقيتيهوم ف بلوڭ ؤ جاوك مناسبين خدّمهوم نيشان.
| |||