حي عريض (ناضور)

عارّيض هي واحد مجموعة ديال دّواور، طرف منها تابع ل جماعة إحدادن ؤ طرف أخور ل جماعة بوعرك، بجوج ف إقليم الناظور، و كتعتابر تاني أكبر حي من ناحية د العدد ديال الناس لي ساكنين فيه، و لكبير من ناحية المساحة و كيتقسم ل عريض 1 و 2 و 3.

من بين لمشاكيل لّي كان ؤ واقيلا باقي كيعاني منها هاد لحي، كاين لهدر لمدرسي، بحيت بزاف د دّراري كيخرجو بكري من لمدرسة. واحد من لأسباب ديالو هوّا لبعد ديال لمدارس علا لبلايص د سّكنة، ؤ عدم توفر طرونسپور ب شكل مزيان، ؤ لعتيداءَات علا دّراري صغار، بنات ؤ ولاد، سيرتو ف صّباح بكري، شي لّي كيدفع دّراري ؤ لواليدين باش يݣولو بناقص. كاينين مشاكيل خرين متعلقين ب تّراكم د زّبل، پيستات (الطرقان ماشي مزفتة)، لأطفال لمتشردين لّي كيشمو سيليسيون ؤ كيقدرو يتعرضو ل لغتيصاب، لمخدرات ب شكل عام، ؤ لمطايفات ب جّناوا ؤ سّيوفا (تشرميل). ب لإضافة ل هادشي، حي عاريض عانا من موشكيل د ضّواو لعمومية لّي ماكاتخدمش، ؤ كتسهل علا لقطاطعيا ؤ شّفارا باش يديرو خدمتهوم ف لّيل. و الطوبيسات ديال النقل رقم 3 اللي كتديرها شركة سميتها ڤيكتاليا حيت دايرين طوبيس صغيرو الوقت ماشي مضبوطو بزاف دلماشاكيل مع دوك الطوبيسات.