حسنا (مغنية)

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

حسنا
معلومات عامة
زيادة	1978 (45/46 عام)
لجنسية	لمغريب
لحرفة	مغنية

حسنا (مزيودة ف 1978) هي موغنية مغريبية. كانت مشهورة بزاف ف لعالم لعربي.

حياتها

حسنا قرات لماركوتينڭ ف الجامعة لميريكانية د پاري. كانت مجوجة ب لفنان محمد خيزران، ولايني تطلقو ف 2007.

لكاريير لفنية

بدات حسنا لكاريير لفنية ديالها ف 1995، ب أغنية "يلا بينا يلا"، و تعاملات معا فنانين و شوعارا بحال محمد سلطان، و هاني مهنا. ف عام 2000، سنات كونطرا معا شركة ديلارا ف بيروت، لي بيه نتجات لألبوم اللول ديالها لي صدر ف 2001، و كان عندو نجاح كبير ف لخليج و لوبنان. أغنية "الرسالة" لي خرجات على شكل ڤيديو كليپ هي لي عطاتها شهرة، و عرّفاتها على الجمهور، زيادة على أغنيات لي ولّات عندها شعبية بحال أغنية "بين العصر و المغرب" لفولكلورية. النقطة لي دارت شونجمون كبير ف لكاريير ديالها كانت ملي دارت دويتو معا لفنان ديميس روسوس ف أغنية Far Away، و منها سنات ألبومها التالت "حسنا 2001". دارت أغنية "مرسول لحب" معا عبد الوهاب الدكالي ف 2003، لي تا هيّ خلاتها تزيد تّشهر. ف 2004، دارت كونطرا معا قناة روطانا، و خرّجات جوج د لألبومات، ولايني بسباب خلافات معا الشركة، بعّدات على الساحة لفنية.

التمتيل

ف 2002، لعبات دور ف مسلسل "زمان الوصل". ف 2009، شاركات ف لبوطولة ديال لمسلسل د التلفازة "الهروب من الغرب" لي بان ف رمضان.

ألبومات

الألبوم	العام	المنتج
حقولك حظك حلو	1996	روطانا
بلاش أنا	1999	ميڭا سطار
حسنا 2001	2001	ديلارا ماسطر
بمبى	2005	روطانا
قلبي بخطر	2005	روطانا

ڤيديو كليپات

لأغنية	لموخريج	لعام	لمونتيج
حقولك حظك حلو	عادل عوض	1996	art لموسيقى
إنت الحنان	عادل عوض	1996	art لموسيقى
أنا كل ما أقول	عادل عوض	1996	art لموسيقى
يلا بينا يلا مع فرقة "دجيپسي كينڭز"		1999	بلاها
الرسالة	مارك حديفة	2001	ديلارا
مرسول الحب	كارولين لبكي	2003	ميلوضي
أنا كلي لك	عادل سرحان	2004	روطانا
بمبا	عادل سرحان	2005	روطانا
شوفو شوفو	عادل سرحان	2005	روطانا
حب ولا	أوليڤر عجيل	2007	روطانا
يوم في العمر	غازي واكيم	2007	روطانا