حادة أوعكي
حادة أوعكي (خلاقت ف 1953 ف آيت يسحاق - إقليم خنيفرة) مغنية مغريبية كاتغني ب شّلحة د لأطلس لمتوسط و دّاريجا، و هي من لمغنيات لمغريبيات لكبار ف نّص تّاني د لقرن لعشرين و من رّموز د لغنية لأمازيغية. رتابطات سّمية ديالها بزّاف ب بناصر أوخويا.[1][2]
حادة أوعكي
| ||
| ||
| معلومات عامة | ||
| زيادة | 1953 (70/71 عام) خنيفرة | |
| لجنسية | لمغريب | |
| لحرفة | مغنية | |
| لّوغات لي كيعرف | عربية و لوغات أمازيغية | |
| معلومات خرى | ||
| لألة | صوت | |
 
| ||
حياتها بدل
حادة خلاقت و كبرات ف زّاوية د آيت يسحاق ف جوايه د خنيفرة، جدودها كانو فيهوم سادات دينيين و هو لّي خلا لعائيلة ديالها تكون محافضة و رافضة لكار د لغنا. حادة عمرها ما قرات ف لمدرسة و تعلمات لغنا و لعيوط و لميزان د لموسيقا د شّلوح غير ب سّمع فاش و كان كايعجبها تݣلس ف لمجامع د نّسا لّي كايغنيو ف لقساير و لعراسات.
فاش كانت عندها 14 لعام جوجوها دارهوم صحة ب واحد رّاجل عندو 70 عام، و كانت ديك تّجويجة غير سبة ديال لعائيلة ديالها باش يتهناو منها و من طّريق د لغنا لّي كانت حادة باغية تمشي فيها. ماقبلاتش حادة ب هاد ظّلم و مشات عند لقاضي باش تطلب طّلاق و قدرات تحرر راسها من بعد 15 يوم من جّواج.
هاد لقضية بدلاتليها حياتها حيت كان ما بقا ليها ݣعاد ف آيت يسحاق من بعد ما وقفات ف وجه عائيلتها و هاكدا هربات من دارهوم، و هي بنت 16 لعام، و مشات ل دّار لبيضا و تما وقف معاها بناصر أوخويا، لّي كان من شّيوخ لكبار د لموسيقا لأمازيغية وكان كايآمن ب لموهيبة ديالها.
حادة أوعكي و بناصر أوخويا شكلو تنائي فني كبير ب فضل صّوت لقوي و لفريد ديال حادة و لحرفة لكبيرة ديال بناصر ف لكتابة و شّيعر و لموسيقا. خدمو بجوج ل مدة 12 لعام قبل ما تدير حادة لݣروپ ديالها ف 1981 مع شّاعير عبد الله زّهراوي.[3]
عيون لكلام بدل
- ^ "Cheikha Hadda Ouakki, la chanteuse rebelle de l'Atlas". مأرشيڤي من لأصل ف 2021-12-07. تطّالع عليه ب تاريخ 2020-03-23.
- ^ ""Hadda Ouakki, la voix du Moyen Atlas", un magnifique documentaire à regarder ce dimanche sur 2M". مأرشيڤي من لأصل ف 2020-03-23. تطّالع عليه ب تاريخ 2020-03-23.
- ^ "CHEIKHA HADDA OUAKKI". مأرشيڤي من لأصل ف 2023-03-20. تطّالع عليه ب تاريخ 2020-03-23.