جاڤا
جاڤا
| ||
| ||
| معلومات عامة | ||
| نوع د لّونڭاج | لغة JVM، صوفتوير و لغة برمجة متعددة الأنماط | |
| طرف من | جافا | |
| شكون ختارعو | جيمس غوسلينغ و صن ميكروسيستمز | |
| شكون طورو | صن ميكروسيستمز و أوراكل | |
| تسما علا | قهوة الجافا | |
| فين تصاوب (بلاد) | الولايات المتاحدة د ميريكان | |
| متأتر ب | سي++، سي (لونڭاج)، أيدا، Simula 67، سمول توك، سي-الكائنية، أوبجكت باسكال، أوبيرون (لغة برمجة)، إيفل، مودولا-3، ميسا، سيمولا، سي#، UCSD Pascal، boxing، variadic function، شرح جافا، نيقلاوس ويرث، باتريك نوتن و حلقة foreach | |
| تّرخيص | رخصة جنو العمومية | |
| لفلسفات د لبرمجة | برمجة مهيكلة، برمجة ستونية، برمجة وظيفية، برمجة أمرية، البرمجة القائمة على الفصل، برمجة انعكاسية، برمجة عامة، برمجة شيئية متزامنة و أنجينيوري د الصوفتوير مبازية على لمكونات | |
| تّنواع | static typing، نوعية قوية، سلامة الأنماط، nominative typing و manifest typing | |
| جّرات د لفيشي | java، class، jar، jad و jmod | |
| مايتخالطش معا | جافا، جافا سكريبت، جافا و جاوة | |
| سّيت رّسمي | https://www.oracle.com/java/ | |
جاڤا هوّا لونݣاج ستوني د لمستوى لعالي، مبني علا لكلاصات، لي تصاوب بحيت يكونو عندو أقل عاداد د تّيكاليات تّطبيقية. جاڤا لونݣاج ب تخدام عام، مديور باش يخلي لموبرميجين يطورو لكوض ديالهوم مرة وحدة، ؤ يعاودو يستعملوه ف أي پلاطفورم لي كاتقبل جاڤا، بلا مايعاود يتكومپيلا. تّطبيقات ديال جاڤا عادتن كيتكومپيلاو ل بايتكود، لي كيخدم ف أي ماكينة ڤيرتوالية د جاڤا (Java Virtual Machine ؤلا JVM) كيما كانت تّسطيرة د لورديناتور علاياش خدامة. سّانطاكس ديال جاڤا كاتشبه ل سّانطاكس ديال سّي ؤ سي++، ولاكين فيها عاداد قل ديال لوضايف د لمستوى نّازل. جاڤا هوّا لّونݣاج لّول لي عليه لقابول ف ݣيتهاب، سيرتو ب نّسبة ل تّطبيقات د لويب ب لموضيل كليان سيرڤور، ؤ تاني أكبر لونݣاج من حيت لعاداد د لمسوالات عليه ف سطاك ؤڤرفلو، ؤ رابع أكبر لونݣاج من حيت عاداد د لإعلانات د لخدامي ف لينكدين.[1] ف 2023، جاڤا مكلاصي الرابع ف لانديكس د تيوبي TIOBE Index ديال اللونݣاجات لي مطلوبة بزاف، مورا سي++.[2]
لي ختارع جاڤا هوّا دجيمس ݣوصلين ف لكامبيانة د صان مايكروسيستمز (لي منبعد شراتها شّاريكة د ؤراكل)، ؤ صدر ب شكل رسمي ف 1995. وخا صدر ف لبدية ب ليصونص ملكاوية، جاڤا ولا ف ماي 2007 تحت ليصونص د ݣنو دجي پي إيل، لي مفتوحة ل لعموم. لڤيرسيون لّخرة د جاڤا هيا 19.0.2[3] ؤ خرجات ف يناير 2023. ؤراكل كاتنصح لخدايميا د لڤيرسيونات لقدام د جاڤا باش يحيدوهوم ؤ يأنسطاليو لڤيرسيون لّخرة، بسباب رّيسك لأمني.
تاريخ
بدلدجيمس ݣوصلين، مايك شيريدان ؤ پاطريك نوطون بداو لپروجي د جاڤا ف 1991، ؤ ف لبدية هاد لّونݣاج تسما ؤوك Oak علا واحد نّوع د شّجر كان منو نابت حدا شرجم ديال ݣوصلين. من بعد بدلو ليه سّمية ل ݣرين Green (خضر ب نّݣليزية)، ؤ ف لّخر وقع تّيفاق علا جاڤا، علا نوع د لقهوة أصلو من أندونيسيا. ݣوصلين قاد سّانطاكس د جاڤا باش تكون قريبة ل سي ؤ سي++، ؤ تجي ساهلة ف لفهامة ل لموبرميجين.
ميتال د پروݣرام د جاڤا
بدلهاد لپروݣرام كيطبع "Hello, World" ف شّاشة ديال لورديناتور:
class HelloWorld {
public static void main(String[] args) {
System.out.println("Hello, World");
}
}
|
تقدر تزيد شوف بزاف د تّصاور و لمعلومات ديال Java (programming language) ف ويكيميديا كومنز. |
عيون لكلام
بدل- ^ "The Most Popular Programming Languages" (ب نڭليزية). 22 أبريل 2021. مأرشيڤي من لأصل ف 2023-05-29. تطّالع عليه ب تاريخ 26 يوليوز 2021.
- ^ "TIOBE Index for January 2023". يناير 2023. مأرشيڤي من لأصل ف 2023-10-15. تطّالع عليه ب تاريخ 13 يناير 2023.
- ^ "Java SE at a Glance". ؤراكل (ب نڭليزية). مأرشيڤي من لأصل ف 2023-10-01. تطّالع عليه ب تاريخ 2021-07-26.