تشلحيت

لغة أمازيغية

تشلحيتتيفيناغ: ⵜⴰⵛⵍⵃⵉⵜ، بلحرف لامازيغي لاتيني: Taclḥit) أولا الشلحة أولا تسوسيت أولا السوسية هي لوغة أمازيغية من لعائيلة ديال لوغات لأفروأسيوية. كاتنتاشر تشلحيت فجنوب المغرب صورتو ف جوايه سوس و حاحا و الحوز و جبال الاطلس الكبير و الصغير و نواحي ديال طاطا و ايت باعمران، وحتى ف مدن الكبار بحال كازا و رباط و القنيطرة و بين لمغاربة د وروپا.

تشلحيت
النوع لغة و لغة حية
ليستيعمال
اللي كبرو بيها 8,000,000
لوغة رسمية ف لمغريب
أصلية ف جهة سوس ماسة، جهة ݣلميم واد نون، جهة درعة تافيلالت، جهة مراكش آسفي و جهة بني ملال خنيفرة
لخصائيص
لكتبة أبجدية عربية، أبجدية لاتينية و تيفيناغ
لمؤسسة دلمعيارة المعهد الملكي ديال الثقافة الأمازيغية
لفاميلة داللوغات
human language
لغات أفريقية آسيوية
لغات لأمازيغية
لغات أمازيغية شمالية
لغات الأطلس
لخاريطة
Tachelhit.png
لأكواد اللي كايعرّفو اللوغة
ISO 639-3 shi
Glottolog tach1250
Ethnologue shi

مغريبي تيهضر تاشلحيت

تشلحيت هي الوغة الامازيغية لي فيها اكبر عدد ديال الناطقين ، عاد كاتجي موراها القبايلية و اللهجات لخرين بحال ريفية، شاوية وتوارڭية.

عدد الناطقينعدل

عدد الناطقين ديال تشلحيت كايختالف من مصدر لمصدر، ولكن ڭاع المصادر متافقة بلي هي أكتر لغة أمازيغية من ناحية عدد الناطقين لي كايدويو بها، كاينين مصادر غربية كاتقول 8 تال 10 د لملاين د ناس ف لمغريب[1][2] و لكن حسب الإحصاء المندوبية السامية للتخطيط فعدد الناطقين هو 5 د لمليون (أي 14.1 فلمية من سكان د لمغريب)[3] ، ولكن الكثير من الناس شككات فهاد لمعلومات كونها لا تمثل الواقع المغربي و بلي العدد اكثر من هذا بكثير[4][5].

لوضع رسميعدل

على حساب دستور لي تصوت عليه ف 2011 ف لمغريب، لأمازيغية لوغة رسمية مع لعربية. ف 1994، قال لحسن التاني بللي لهجات لأمازيغية غادي يولي عندها وضع رسمي؛ تلفازا بدات كتدوز برامج بللهجات ب تلاتة (تمازيغت ديال وسط لمغريب، ريفية، و سوسية) تلاتة د لمرات ف نهار؛ وبداو كيطورو كتوبة للتدريس ديالها. ف 17 ؤكتوبر 2001 وقع لماليك محمد ساديس ضهير 1 01 299 لي حدت و نضم بيه لمعهد لملكي للتقافة لأمازيغية، ليركام. هاد لمعهد مسيرو مجلس فيه خبراء، فنانين و ناشطين أمازيغ كلهم كيعينهوم لماليك. لمعهد لي لمقر ديالو ف رباط، لعب دور مهم باش تقنن وترسم لكتابة ديال تيفيناغ. لمعهد ما كيخدمش باش يعوض للهجات ديال تمازيغت بلوغة أمازيغية موحدة. ولكن لمعيرة كتحافض على لخصوصية ديال لهجات بتلاتة، وغير كتعوض لمصطلحات لي موخودة من لعربية ولا لفرونسي بمصطلحات أمازيغية، وكتزيد لمصطلحات لي هما ناقصين. متلا ف لمعجم رسمي ديال لمعهد، لكلمة ديال بلاد كترجم تامازيرت، لي هو لمصطلح لي متداول ف سوس لأطلس، وتامورت، لي هو لمصطلح لمتداول ف ريف.

لمصادرعدل

  تقدر تزيد شوف ويكيبيديا في نسخة تجريبية ديال shi ف مؤسسة ويكيميديا.
  تقدر تزيد شوف بزاف د صور و معلومات ديال Tachelhit ف ويكيميديا كومنز.