تاناست
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
تاناست هيّ واحد سطل من نْحاس عامر ب لما، وسطو طاسة ديال نْحاس عليها تدريجات و واحد تقبة ف لوسط كيدخل منها لما و كتعمر على حسب دْرجة حتّى كتغطّى كاملة باش يتوزعو لحصص ديال لما ديال لعين على ماليها. عليها كيدّارو لإجتيماعات وحداها كيتفكّو نّزاعات وكيتعقدو صّفقات و حداها كيتناقشو لخبار وهيّ بحال شي نادي محلول ليل و نهار. كاين لّي كيتسنّى دّور ديالو ديال لما وكاين لّي جا باش يسمع لخبار للاخبار وكاين لّي جا باش يبدّل نوبتو (أيسنفل أمان) كيدّار حداها لبيع و رْهن. وتمّاك أعضاء دايمين كيتسمّاو (إخمّاسن) و لّي بغا غير ينعس مرتاح. كلّ عين ديال لما ف لواحات ديال لجنوب د لمغريب عندها لمڭانة ديالها. كلّ وحدة وتوقيت ديالها. مثلا ف عين وايغينوست. 12 دقيقة. ودْرجات من (دْنق) و رْبع وثّلت ونّص . وكنبداو نقصو (إفغ) ناقص رْبع ثّلت عاد (دْنق) وكيتسجل هادشي في سعفة د نْخلة ملّي كتعمر طّاسة، كتعڭد واحد لعڭدة حتّى كنوصلو لعدد لّي مطلوب.[1] وف نهار جوج حصص وحدة ف ليل ولأخرى ف نهار. وكتبدا مع كيعوّڭ دّيك ف صْباح حتّى كتغرب شْمشْ ب نّوبة. وكانو عندها بلايص خاصّين بها ومعروفة ف صّيف وشْتا. ولكن بداو نّاس كيتخلاو عليها ملّي بانت لمڭانة ديال لالكطرونيك ، ومشات وحدة من تقاليد ديال لفلاحة لي كانوا عندو أبعاد تقافية اجتماعية وتاريخية مهمة.
