بلام!
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
بلام!
| ||
| ||
| معلومات عامة | ||
| نوع د لمانڭا | سايبربانك، أنمي ومانغا خيال علمي و post-apocalyptic manga | |
| مانڭاكا | تسوتومو نيهي | |
| لّوغة لأصلية | جاپونية | |
| لعام د نّشر | 1997 | |
بلام![a] (لعنوان لأصلي !BLAME) سيرية ديال مانڭا ديال التعاويد لعلمي من تأليف و رسيم لمانڭاكا تسوطومو نيهييْ. لمانڭا كانت كاتنشرها شركة كوضانشا ف لمجلة ديال السينين مانثلي أفترنون، مابين 1997 و 2003. الشاپيطرات ديالها تجمعو من بعد ف 10 د الطانكوبونات. تدارت منها سيرية ديال أنيمي د لويب فيها 6 د لحلقات ف 2003، من إنتاج ستوديو ڭروپ TAC، و تزادت حلقة نمرة 7 ف لإصدار ديال الديڤيدي. ستوديو پوليڭون پيكتشرز صاوب فيلم 3D مأنسپيري من لمانڭا، لي تّعرض ف مينصة نيتفليكس ف ماي 2017.
ملخص د لقصة
بدللموضع
بدل
لقصة ديال "بلام!" كاتطرا ف "لمدينة" لي هيّ ميڭاقلدة megastructure علاين تكون شادة لمجموعة الشمسية كاملة. لحجم ديالها مامعروفش، ولايني ف لقصة كيبان بلي تقدر تكون شادة تال لمدار ديال جوپيتر لي الدياميطر ديالو ف جوايه 1,6 مليار كيلوميطر. ف لقصة، لبطل الرئيسي، كيلي، كيدخل مرة ل واحد لبيت خاوية مڭضّرة بزاف لي لحجم ديالها تقريباً لحجم ديال جوپيتر، شي لي كيوحي بلي لكوكب كان ف داك لموضع، قبل ما لماكينات ياخدو لماطيرييل ديالو كامل باش يبنيو لمدينة.
على حساب لمانڭا نويصي NOiSE لي كيعاود أحدات طراو قبل من "بلام!"، لميڭاقلدة بدات ف اللول غير بحال طبقة فوق كوكب لأرض، لي كانو كيبنيوها روبوات كيتسماو "لبنّايا". لبشرية كانت مسيطرة على لبنايا، ب واحد الريزو لي كيتسمى "نيتسفير" Netsphere (لكورة د الريزو)، لي غير بنادم لي كان قادر يتكونيكطا معاه، و كيتؤطونتيفاو ب ماركور جيني كيتسمى "الجين ديال الطيرمينال د الريزو" Net Terminal Gene. أي واحد ماعندوش هاد الجين كيحاول يتكونيكطا، كانو روبوات كيتسماو safeguards حاضيين باش يتخلصو منو. ولايني واحد الجماعة إرهابية طلقات ڤيروس رجعي لي حيّد داك الجين من عند جميع لأفراد د بنادم لي تصابو بيه، لي مابقاش قادر يتكونيكطا معا النيتسفير و بهادشي فقدو السيطرة على لبنّايا. بلا تعليمات واضحين، لبنّايا بداو كيوسّعو لمدينة بشكل فوضاوي و بلا تخطيط، ف لوقت لي لپروڭرام لقديم ديال الروبوات لحاضيين، لي مابقاش كيتدار ليه تجديد، ولّا كيحاول يقتل أي بنادم سوا بغى يتكونيكطا ل الريزو ولّا لا.
ف لوقت فاش كيبداو لأحدات ديال لمانڭا، لمدينة ولّات مكوّنة من طبقات ديال لكورات ديال دايصون وحدة فوق وحدة، عامرين ب شكال معمارية بلا تخطيط و أغلبهم خاويين من لحياة. هاد الطبقات كيشكّلو السقالة ديال لمدينة لي كاتسمى لميڭاقلدة. الجيهة السفلية ديال كلا طبقة كاتضوّي على لي تحت منها بشكل دوري، باش تخلق الدورة ديال النهار و الليل. لميڭاقلدة صحيحة بزاف، و غير تير ديال "كابوس الشعا الجابدي" Gravitational Beam Emitter كيقدر يهرّسها و يدير فيها تقبة. التسافير مابين الطبقات صعيب، بسباب الطبيعة لفوضاوية ديال لبني ديالهم، و بسباب الروبوات لحاضيين لي كيحاولو يقتلو لبشر؛ و كياخد وقت طويل، بسباب لحجم ديالها، وخا كاينين أسانسورات لي كيقدرو يوصلو ل زربات على لمقياس النسبي. أغلبية د لمباني ف كلا طبقة مامسكونينش، ولايني كاينين قبايل ديال بنادم و لموربنادم، بنّايا خارج السيطرة، روبوات حاضيين عدوانيين، و كائنات حية سيليكونية لي كيتصادفهم لواحد مرة مرة.
لقصة
بدلكيلي Killy، هوّ واحد الراجل وحداني، لي عندو سلاح قوي بزاف معروف ب "كابوس الشعا الجابدي" Gravitational Beam Emitter، و كيتسركل ف واحد لعالم طيكنولوجي كبير كيتسمى "لمدينة". كيلي كيقلّب على شي واحد عندو "الجين ديال الطيرمينال د الريزو" Net Terminal Gene، لي (على ما كيڭولو) نقارض، و كان كيخلي لإنسان قادر باش يتكونيكطا ل الريزو ديال "النيتسفير" و يتحكم ف لماكينات لمعروفين ب "لبنايا". "لمدينة" هيّ واحد لقلدة قد السخط، مكونة من طبقات منفاصلين على بعضياتهم ب سقالة كاتسمى لميڭاقلدة megastructure، لي قاسحة و صعيب تتهرس. كيسكنو ف لمدينة، بشكل متفرّق و قليل، ناس من نوع د بنادم ولّا موربنادم، زيادة على روبوات عدوانية و كائنات حية سيليكونية. الجين ديال الطيرمينال د الريزو كيبان بلي هوّ لحل باش بنادم يقدر يحبس لبني لفوضاوي و اللامحدود ديال لمدينة لي كيديروه لبنّايا، و الروبوات لقتّالة لي كتحاول تقضي على لبشرية.
ف طريقو، كيتلاقى كيلي معا أنجينيورة طولانطية[b] سميتها شيبو. لمهمة ديالهم مدعومة بشكل ماشي مباشر من عند السلطات ديال لمدينة لي كانت فقدات السيطرة عليها و على الروبوات لقتّالة. بجوج، كيلي و شيبو كيتلاقاو واحد لبنت سميتها ساناكان، و لعشيرة ديالها من لمحاربين لي مسميين راسهم "لإليكطرو-صيّادا" Electro-fishers. كيتبيّن من بعد بلي ساناكان كانت ب التخبية روبو قتّال، و كاتعلن على الشكل لحقيقي ديالها، و كاتهجم على الدوّار ديال لإليكطرو-صيّادا. كيلي و شيبو قدرو يعتقو بزاف منهم و دّاوهم ل موضع جديد فين يقدرو يعيشو، ف ميڭاقلدة على شكل أسطوان لي تابعة ل شركة الصناعات التقيلة د طوها. تماك كيتلاقاو ب مينساب، واحد الدكا إصطناعي مستاقل، و لڭارديان ديالها سيو، لي هوّ بنادم. لموضع كيتدمّر بعد هجومات ديال ساناكان و كائنات سيليكونية، ولايني قبل مايهربو، مينساب قدرات تعطي ل شيبو شانتيو ديال لحمض النووي ديال سيو، لي فيه الجين لي كانو كيقلّبو عليه.
موراها، كيلي و شيبو مشاو ل واحد لمنطقة ف لمدينة محكومة من عند لحياة السيليكونية، و تحالفو معا جوج ديال الروبوات لحاضيين سميتهم ضوموتشيڤسكي و إيكو. لحمض النووي ديال سيو شفراتو الزعيمة ديال لكائنات السيليكونية داڤيني، لي خدّماتو باش تكونيكطا ل الريزو د النيتسفير. ضوموتشيڤسكي ضحى براسو باش يقتل داڤيني، ولايني قبل من داكشي قدرات تطيليشارجي من الريزو الصوفتور ديال روبو حاضي من النيڤو التاسع قوي بزاف، لي دخل ل لڭسدة لإليكطرونية ديال شيبو. شيبو لي دابا ساكنها هاد الصوفتوير، دمّرات لمنطقة كاملة.
14 عام من مور هاد لأحدات، لڭسدة ديال كيلي قدرات تعالج راسها من لأضرار لي طراو فيها، و كمّل لمهمة ديالو. كيتلاقى معا واحد لإنسان لي لڭسدة ديالو ماتت، ولايني لعقل ديالو مطيليشارجي ف واحد الدوزان بحال يو إس بي، و كايدّيه معاه. كيلقى من بعد شيبو، لي فقدات الداكرة ديالها، و لي كانت عتقاتها ساناكان، لي دابا قلبات لفيستة و ولّات متحالفة معا السلطة د لمدينة ضد الروبوات لحاضيين. ف لمدابزة معا الروبوات، شيبو و ساناكان بجوج كيموتو. لوعي الديجيطالي لي كان هاز معاه كيلي كيبان ف النيتسفير، و كيبقى يعاود لقصة ديال كيلي ل لأجيال الجاية. كيلي كيوصل ل لحافة د لمدينة، و تماك كاتجيه قرطاسة ف الراس لي كاتردو ماقادرش يتحرك. واحد لفيضان ديال لما كيهز لڭسدة ديالو، و كيديه تال السطح ديال لمدينة فين كايشوف النجوم كيبريو. ف الصفحة اللخرة ڭاع ديال لمانڭا، كيبان كيلي كيتقاتل ف الدهالز ديال لمدينة، و معاه طفل صغير لابس لبسة د لبومبيا.
لإنتاجات لفرعية
بدلمانڭا
بدللمانڭا ألّفها و رسمها تسوطومو نيهييْ، و نشراتها شركة كوضانشا ف لمجلة ديال السينين مانثلي أفترنون، مابين 1997 و 2003.[2]
ف فبراير 2005، شركة د النشر و التوزيع لميريكانية طوكيوپوپ خدات لحقوق ديال النشر ب النڭليزية، و بدات كاتنشر لمانڭا ف لميريكان ف غشت من نفس لعام. من بعد لإصدار ديال لكتيّب اللخر ف 2007، السيرية مابقاتش متوفّرة ف لأسواق و ولّات صعيب باش يلقاها لواحد. ف فبراير 2016، شركة ڤيرتيكال علنات بلي شرات لحقوق د النشر ديالها.[3]
بلام أكاديمي
بدلبلام أكاديمي (ブラム学園!، بورامو ڭاكووين) هيّ سيرية سپين ؤف ديال لپارودي (ضحك)، مبنية على السيرية لأصلية. كانت كاتخرج بشكل مامنتاضمش ف مجلة مانثلي أفترنون، و من بعد خرجات على شكل طانكوبون واحد من دار نشر كوضانشا، ف 19 شتنبر 2008.[4]
بلام!2
بدلبلام!2 (ブラム!2، بورامو! تسو، ولّا ²!BLAME) هوّ وانشوط (مانڭا فيه شاپيطر واحد) لي خرج ف 21 مارس 2008، و كيعاود أحدات طراو ف لموستقبال مورا السيرية لأصلية ب مدة طويلة. لبطلة ديال لقصة هيّ نسخة ديال پسيل، واحد لكائنة سيليكونية لي كان عتقها كيلي. هاد اللخر بعدما نجح ف لمهمة ديالو، لبشرية عاود سيطرات على لمدينة، و بدات كاتدير لإبادة للكائنات السيليكونية. پسيل لي كانت لوحيدة من قومها لي نجات، قدرات باش توصل ل لحافة د لمدينة و من تماك سافرات ل كوكب خور باش تعاود تبني لحضارة ديال لحياة السيليكونية، ب نسخة ديال الجينات ديال عشيرتها لي كانت حتافضات بيها.
إن إس إ: أنجينيور ديال النيتسفير
بدلإن إس إ: أنجينيور ديال النيتسفير (ネットスフィアエンジニア، نيطو سوفيا إنجينيا) هيّ كمالة ديال "بلام!"، لي كيطراو لأحدات ديالها مورا بلام!2. ف هاد لوقت، كيكونو الروبوات لقتّالا ولاو قلال بزاف ف لمدينة.
بلام! لهربة ديال لإليكطرو صيادا
بدلبلام! لهربة ديال لإليكطرو صيادا (BLAME! 電基漁師危険階層脱出作戦) هيّ سيرية ديال لمانڭا مبازية على لفيلم ديال بلام! لي بان ف نيتفليكس، فيها 7 د الشاپيطرات، لي خرجو مابين 26 أبريل و 26 أكتوبر 2017،[5][6][7] و تجمعو ف كتيّب واحد لي تّنشر ف 9 فبراير 2018.
بلام!: مدينة الطيرمينال لقديمة
بدلف نونبر 2014، خرج كليپ قصير و خاص ديال "بلام!"، ف لبدية ديال لحلقة التامنة ديال لموسم التاني ديال لفرسان ديال سيضونيا. لكليپ تأوّل ف السياق د لقصة بعتيبارو شي پروڭرام لي الناس ديال سيضونيا كيتفرجو فيه ف التلفازة.[8]
لفيلم
بدلكانو بلانات ديال فيلم طويل على "بلام!" ديجا تّعلن عليهم من 2007. ولايني الستوديو لي كان معوّل يصايبو دار فاييط ف 2011.[8] ف نونبر 2015، تّعلن على بلان جديد ديال فيلم أنيمي.[9] لمدير ديالو كان هيرويوكي صيشيتا، و السيناريو ديال تسوطومو نيهييْ و سادايوكي موراي. لأنيميشن ديال ستوديو پوليڭون پيكتشرز و الديزاين ديال الشخصيات دارو يوكي موريياما. لفيلم بان ف لعالم كامل على منصة نيتفليكس ف 20 ماي 2017.[10]
ف 5 أكتوبر 2017، شركة ڤيز ميديا ڭالت بلي خدات لحقوق ديال لفيلم،[11] و خرّجاتو ف الديڤيدي و لبلو ريي ف 27 مارس 2018.
لإستقبال
بدلالناقد جاريد پاين ڭال بلي "بلام!" كيخلي لقاري يطرح بزاف د لأسئلة من اللول، بلا مايعطي دليل بلي لقصة عندها شي هدف ولّا توجه باين،[12][13] و زاد بلي هاد لمانڭا ماغاديش تكون عندو شعبية، ولايني غادي يكون خط واضح مابين الناس لي كيحماقو على الستيل ديال نيهييْ، و الناس لي ماكيحملوهش.[13]
ف 2006، طوكيوپوپ ترشحات ل جايزة هارڤي على "أحسن ناشر ميريكاني ديال ماطيرييل براني".[14]
نويطات
بدلعيون لكلام
بدل- ^ Brothers، David. "Tsutomu Nihei, A Manga Creator for America". Comics Alliance. تطّالع عليه ب تاريخ 4 June 2024.
- ^ 弐瓶勉が劇場版「BLAME!」のために描いた設定資料が1冊に、本日発売. Natalie (ب چاپونية). Natasha, Inc. May 22, 2017. مأرشيڤي من لأصل ف April 16, 2021. تطّالع عليه ب تاريخ February 7, 2021.
- ^ Hodgkins، Crystalyn (February 13, 2016). "Vertical Licenses Blame!, Dissolving Classroom, Immortal Hounds Manga". Anime News Network. مأرشيڤي من لأصل ف September 11, 2020. تطّالع عليه ب تاريخ February 13, 2016.
- ^ ブラム学園！ アンドソーオン 弐瓶勉作品集 (ب چاپونية). Kodansha. مأرشيڤي من لأصل ف December 13, 2013. تطّالع عليه ب تاريخ November 28, 2012.
- ^ 映画「BLAME!」のコミカライズがシリウスで始動、夜桜×デュラポスターも. Comic Natalie (ب چاپونية). Natasha, Inc. April 26, 2017. مأرشيڤي من لأصل ف August 13, 2023. تطّالع عليه ب تاريخ February 6, 2024.
- ^ Ressler، Karen (September 25, 2017). "New Blame! Manga Reaches 'Last Battle' Next Month". Anime News Network. مأرشيڤي من لأصل ف December 7, 2023. تطّالع عليه ب تاريخ October 24, 2023.
- ^ 次号シリウスで「怪物王女」新シリーズ始動、「A.I.C.O.」コミカライズも. Comic Natalie (ب چاپونية). Natasha, Inc. October 26, 2017. مأرشيڤي من لأصل ف August 13, 2023. تطّالع عليه ب تاريخ February 6, 2024.
- ^ a b Loo، Egan (November 23, 2014). "Tsutomu Nihei's Blame! Anime Previewed With English Subtitles". Anime News Network. مأرشيڤي من لأصل ف November 25, 2014. تطّالع عليه ب تاريخ November 23, 2014.
- ^ Hodgkins، Crystalyn (November 19, 2015). "Tsutomu Nihei's Blame! Manga Gets Theatrical Anime Adaptation". Anime News Network. مأرشيڤي من لأصل ف July 29, 2020. تطّالع عليه ب تاريخ November 19, 2015.
- ^ "Blame! Movie Adaptation Coming to Netflix Original in 2017". Nagame Digital. مأرشيڤي من لأصل ف 2016-10-09. تطّالع عليه ب تاريخ 2016-07-10.
- ^ Ressler، Karen (October 5, 2017). "Viz Media to Release Blame! Anime Film on Home Video". Anime News Network. مأرشيڤي من لأصل ف October 6, 2017. تطّالع عليه ب تاريخ October 5, 2017.
- ^ Beveridge, Chris (May 3, 2005). "Blame! (also w/T-shirt)". Mania. مأرشيڤي من لأصل ف March 9, 2014. تطّالع عليه ب تاريخ February 17, 2013.
- ^ a b Pine, Jarred (September 1, 2005). "Blame! Vol. #01". Mania. مأرشيڤي من لأصل ف March 15, 2013. تطّالع عليه ب تاريخ February 17, 2013.
- ^ "The Harvey Awards 2006 nominees and winners". harveyawards.org. مأرشيڤي من لأصل ف 2007-05-22. تطّالع عليه ب تاريخ 2008-03-15.