الوظيفة العمومية فالمغريب

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

ف لمغريب، الوظيفة العمومية ولّا لخدمة معا الدولة هي لخدمة ف لإدارات و ف لهيئات لحكومية ديال لبلاد. هاد نوع ديال لخدامي عندها بزاف ديال لقواعد و شروط و لمزايا ف لمجتمع. لموظاف لعام ف لمغرب, كيقدر يخدم ف لوزارات ف لإدارات, ف لموقاطعات, ف شركات لعمومية, و زيد و زيد. لهدف ديال لقطاع لعام هو ينقص من شوماج ف لبلاد, يضمن لخدمة ديال لإدارات ف لمغريب و يلبي لحتياجات ديال لمغاربة. لعكس ديال لوضيفة لعمومية هيّ لخدمة ف لپريڤي.

لعملية ديال تقياد فلوظيفة لعمومية

لقبول فلوظيفة  لعمومية كيدوز من بزاف ديال لإجراءات و لمراحيل.

شروط تقياد

لي كيبغي يخدم ف لوظيفة أول حاجة كيدير هي كيدفع طلب على حسب لپوسط لي بغا يخدم فيه فسيت ديال الوظيفة العمومية، فين كايتفيلترا لميلف ديال كل مرشح مزيان، من ناحية تكوين و لخبرة ديالو.

مراحيل لقبول

• لكيتابي: لي كيتعزل فلمرحلة لولة كيدوز متياحانات كتابية على تخصوص ديالو و على تقافة ديالو فشي موضوع طوندونس
• شافاوي: وراها كيدوز متيحان فاصافاص مع لجنة خاصة، باش يقيّمو تواصول و لمهارات ديالو، و لي كايجيب بزاف ديال نوقاط فهاد لمتيحانات كايتقبل

لمازايا ديال الوظيفة العمومية

لستيقرار

من لحوايج لي كيخليو لمغاربة يدفعو للوظيفة لعمومية هو لستيقرار لي فيها على عكس لقيطاع لخاص لي ما فيهش لأمان لمهني.

لمزايا لجتيماعيا

لخدمة ف لقيطاع لعام عندها بزاف د لفوائيد لجتيماعيا، بحال تقاعد، تغطية صحية، صالير مزيان و پريمات، سكنة و طوموبيل فبعض لحالات، هادشي كيسهل على لموظاف لعمومي حياتو و حياة عائلتو.

تطور لمهني

لقيطاع لعام فلمغرب فيه تسلسل هرمي كيخلي لموظف خدام مزيان باش يزيد ف لڭراض، و يحسن من لوضعية لمهنية ديالو.