السور العظيم ديال الشينوا
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
السور العظيم ديال الشينوا (بالشينوية: 万里长城) هو واحد السور لي كاين فالحدود الشمالية ديال الشينوا (جمهورية الشينوا الشعبية)، من منطقة تشنهوانغتاو وخليج بحر بوهاي (لواد الصفر) فالشرق حتا لمنطقة غاوتاي فمقاطعة قانسو فالغرب. وتبنى سور واحد اخر فالحدود الجنوبية، بدا من بكين حتا لهاندن. وكيبلغ الطول ديال السور العظيم ديال الشينوا حوالي 21,196.18 كيلومترs (13,170.70 ميل)،[1][2] وسور الصين العظيم كيتعتابر من أهم لبلايص تاع التوراث العالمي، وتختار واحد من عجائب الدنيا السبع الجديدة فالعالم فواحد استطلاع دولي فعام 2007. وهادشي خلا السور واحد من أهم المراكز السياحية فعالم، ولي كيجيو ليه الناس من جميع لبلايص من العالم كل عام.[3]
وكيتعتابر السور العظيم ديال الشينوا واحد من المشاريع ديال لميليطير النادرة والقديمة بزاف فالتاريخ لمعماري ديال البشر، وحتا التاريخ لحربي. وهو رمز من الرموز ديال الشعب الشينوي، لي كيبين الذكا ديال ناسهم لوالا، وحتا لمجهودات لي داروها على قبل الراية تاع البلاد. وهو مشهور بزاف فلعالم بتاريخ لعريق ديالو وبلعظمة وبلقوة الدفاعية ديالو. المؤرخين كيقولو بلي لبدية تاع لبني ديال هاد السور العظيم ديال الشينوا كانت فلعهد ديال الربيع والخريف وفلوقيتة ديال الممالك المطايفة، يعني قبل كتر من 2000 عام.
السور العظيم ديال الشينوا هو واحد المشروع ديال الديفاع لي متكامل، وكيتكون من الحيوطة تاع الديفاع والابراج ديال العسّة والدوزات المخفية والقشلات ديال العسكر والابراج ديال التحذير وبزاف ديال البنايات تاع لميليطير. وكيتحكم فهاد المشروع ديال الديفاع واحد نيظام معسكر ديال القيادة، كيتكون من بزاف ديال لڭرادات لمختالفة.
السور العظيم ديال الشينوا كيتواجد فتضاريس جوغرافية مختالفة ومعقدة بزاف، ولي حتا هي كتلعب دور ديفاعي مهم. هاد السور كيدوز من الجبال لعالية ومن الاراضي لمواطية ومن طلعات ولحدورات وكيدوز حتا من الصحرا ولمروج والانهار ولويدان. دكشي علاش لمعمار ديال سور مختالف من بلاصة لبلاصة وماشي موحد، حيت كل منطقة وتستعملات فيها المواد لي كتناسبها كتر وكتناسب المناخ ديالها.
التاريخ ديالو
بدلتبنات البارتيات لولة ديال السور فلوقيتة ديال لحكام تاع تركيو صبحيو تشانغو، وكان هاد البني ديكساع كيخليهم يحميو المملكة ديالهم من لهجمات ديال الشعوب الشمالية (المغول وتواركة). وأغلب البارتيات ديال السور بناها الحاكم تشين شي هوانغ، لي كان حتا هو كيخاف من الحملات الأجنبية الهمجية، لي كانت كتجي من الشمال.
من مور التوحيد تاع الشينوا على يد تشين شي هوانغ عام 221 ق.م، بداو كيطلقو راسهم باش يساليو البني ديالو، حتا سالاو فعام 204 ق.م، مور ما شارك فعملية لبني كتر من 300,000 واحد، ولكن لبني محبسش هنا. منبعدهم كملات لفاميلة ديال "هان"، وموراهم "سوي" الأعمال ديال البني. وحتا لفاميلة ديال "منغ" ساهمات فتطويل والتدعيم ديال السور، وبدلات البارتيات لي مبنية بالغيس، بمواد حسن بحال الطوب. ووصل الطول لخراني ديال لبني لـ (6,700 كم). وفعام 1987 تزاد السور العظيم دالشينوا لليستات ديال التوراث لعالمي التي حطاتها اليونسكو، وفـ2007 تختار كواحد من العجائب السبعة ديال الدنيا.
معرض تصاور
بدل-
السور العظيم ديال الشنوا - بارت بادالينغ -
منظر من لبعيد لسور العظيم ديال الشينوا -
مشهد من لداخل ديال برج تاع العسّة -
منظر من لبعيد للسور العظيم ديال الشينوا -
خريطة دالسور العظيم ديال الشينوا
عيون لكلام
بدل- ^ "China's Great Wall Found To Measure More Than 20,000 Kilometers". Bloomberg. June 5, 2012. مأرشيڤي من لأصل ف 2023-03-06. تطّالع عليه ب تاريخ June 6, 2012.
- ^ "China's Great Wall is 'longer than previously thought'". BBC News. June 6, 2012. مأرشيڤي من لأصل ف December 5, 2021. تطّالع عليه ب تاريخ December 28, 2021.
- ^ معلومات عامة عن الصين: الباب الثاني والعشرين – التراث العالمي مؤرشف 2017-12-23 فموقع وايباك ماشين