ؤلطراس ف لمغريب
أولطراس هوما مجموعة ديال ناس لي كيشجعو فرقة ديالهم ولكن عندهم طقوس خاصة بهم كتخليهم مختالفين على الجمهور لعادي. هاد لبلان بدا ف لبرازيل ف 1940 و غيوصل ل لمغريب ف 2005.[مصدر؟]
التيران
بدلالتيران فيه 4 لبلايص: نورد، سود، تريبين، شميشة. أولطراس كيريحو يا فسود يا نورد. أولطراس النهار اللول كتختار بلاصة ديالها و كتعتابر مقدسة بنسبة لهم. يقد ف بلاصة وحدة يريحو كتر من أولطراس وحدة. ف التيران كل بلاصة من هاد ربعة كتكون مقسمة ل بيبان منين كيدخل الجمهور. أولطراس كتختار نهار اللول لباب ديالها لي تاهوا مقدس بنسبة ليها.[مصدر؟]
الماطوس
بدلالماطوس هوا داكشي لكيجيبو أولطراس لتيران:
لباش
بدل
كيكون يا توب و كيصبغوه و لا كيكون مطبوع غالبا كتكون فيه سمية ديال أولطراس و تاريخ فاش بداو. هاد الباش كيتعلق قدام الباب لي مدكور ف لول. الباش فيه بزاف د النواع:
- باش أوفيسيال: هو الباش لول لي ڭادات الأولطراس يقدر يتبدل من بعد. هاد الباش كيباشيوه غا ف تيران ديالهم حيت هو شرف أولطراس. يلا مشا هاد الباش خاص تنساحب.
- باش ديپلاصمون داخل لبلاد: هو باش كديپلاصا أولطراس ف لمدون لي غاتلعب فيهم فرقتهم داخل المغرب.
- باش ديپلاصمون خارج لبلاد: هو باش كديپلاصا أولطراس ف لمدون لي غاتلعب فيهم فرقتهم خارج المغرب.
- باش ظرفية: ف 2016 تمنعات أولطراس فالمغرب. أولطراس باش يبيّنو بلي هوما ضد هاد القرار غايتفقو باش يڭادو باش جديد خاص بهاد الوقيتة وهو باش غايباشيو.
- باش سيكسيو: سيكسيو هو فرع أولطراس ف مدينة من غير المدينة لي فيها الفرقة. كيكون عندهم باش خاص بيهم.
لماطيريال ديال لاباندا
بدلهو الالات الموسيقيا لكيجيبو لتيران باش يزهاو بحال طبل...
لكراكاج
بدلهو الاحتفال لكيديروه أولطراس ف تيران. كيديروه ب لفلام / فيزي / سطروبورو.
كلام ديال الأولطراس
بدلپرودوي
بدلهوما لحوايج لي كتخرج الأولطراس منهم سويتا / بيريا / كاسكيطا / تيشورت.
لغا و لا الغنا
بدلالاغاني لي كتخرج لا باندا
أولطراس ايليميني
بدلفاش شي أولطراس كيمشي ليها الباش كتسما ايليميني على حساب شروط كاين ليخاص تيتكلب الباش اوفيسيال و لا حتى يتكلب فيتران ديالهم عاد ينساحبو .
ديبلاصمون
بدلفاش أولطراس كتمشي مع الفرقة ديالها فاش كتلعب برا المدينة.
تيفو
بدلهو واحد احتفال كيوجدوه الأولطراس باش يتهز فاش يدخلو لعابا و فيه انواع بحال: تيفو فوال / تيفو ميكا / تيفو 3D /تيفو طرونصبارون .
أعضاء أولطراس
بدلف أولطراس مكاينش نظام طبقي بلعكس كلشي بحال بحال كل واحد كيساهم بشي حاجا.
لينوايو
بدلهما دراري لولين لي كادو أولطراس. هما لكيقررو.
ليرسبو
بدلكيكونو مكلفين بدرب و لا بزاف ديال دروبا و لا سيكسيو.
لاباندا
بدلهي لكتخرج لاغاني ديال الاطراس وهي لكتغنيهم فتيران .
كابو
بدلهو لكيطلع فوق داك سلم و دور ديالو هو يختار المزيكا لغيغني جمهور لأولطراس و يعطي سينيال باش ابدا الكراكاج .
ليزاديرون
بدلدراري لكينخرطو ف لؤلطراس باش يوليو منهم وهادي هي الفئة الكبيرة وتاهي خاصها تعاون باشما قدات.
تاريخ د لؤلطراس ف لمغريب
بدلبين تسعينات حتال 2005، ڭاع الفراقي كان عندها جمهور مكانوش منظمين كول واحد كيدير ليبغا و غالبا كيجيو غا ف المناسبات فاش كتكون الفرقة لاعبا على شي لقب. وخا هكاك كانت واحد الفئة ليكتبغي الفرقة و كان كيخرجو نويطات كيتغناو و كانو كيديبلاصاو مع الفرقة هاد المجموعات هما لي غايمهدو ل بدية أولطراس ديال بصح. كانو حتا شي أولطراس بانو ونصاحبو من بعد.
ف 2005، بدات لؤلطراس ف المغرب ف كازا ورباط بسباب جوج كروبات: أولطراس ڭرين بويز (جمهور رّاجا) و أولطراس عسكري رباط (جمهور الجيش الملكي).
بين 2005 حتال 2012، تقريبا كاع الفراقي ولا عندهم أولطراس خاصا بيهم. و بداو انشطة ديال أولطراس ديال بصح بحال تيفوات، كراجات ؤ لپرودويات. هاد الفترة تعرفات بروينة ليكانت كان بزاف د المضاربات و صداعات بين لأولطراس ديال كل فرقة.
ف 2011، بزاف د الاولتراس معجباتهمش هاد روينا وصداعات الخاويا . وغيتبناو العقلية الاسلامية. ولي هي بلي اي واحد غيجي لمدينة ديالنا خاص نحتارموه و نساو داكشي ليفات باش ميبقاوش صداعات ودراري يموتو على والو. امتلة على هاد الأولطراسات لتبناو هاد العقلية: حلالة بويز (جمهور قنيطرة) ؤ فاطال تايڭرز (جمهور المغرب الفاسي). بزاف د الأولطراسات الاخرين معجهومش هاد العقلية حيت مخالفة لمبادئ ديال أولطراس القديمة ل بانت ف برا و لي كاملا فيها غا العصا و حروب العصابات.
ف 19 مارس 2016، ف ماتش ديال رّاجا و شباب ريف الحسيمي غينود صداع بين أولطراس ديال رجا و غيموتو جوج دراري و 55 واحد غيتجرح.[1] ب سباب هاد لحاديتة لي تعرفات ب سميت سبت لكحل، دولة غتقرر تحبس الأولطراس من تيرانات.
بين 2016 ؤ 2018، شي أولطراسات باش يبينو بلي هما ضد لقرار غيباشيو ب باش ظرفية ليدونا عليه ف لول. شي وحدين اخرين مغايغيوش و غيدخلو ب الباش اوفيسيال كتحدي لدولة بلي معمرها تقد تحبسنا كمتال: أولطراس كرين بويز.
ف 2018، لمغريب غايرجع أولطراس.
ف 4 مارس 2020، دولة غتحبس أولطراس ب سباب جايحة ڤيروس كورونا.[2]
ف 24 فبراير 2022، الدولة غاتعاود ترجّع أولطراس ل التيرانات. من 2022 ل دابا أولطراس فالمغرب عرفات تطور كبير ف العدد و ف الإبداع.
ترتيب لؤلطراس د لمغريب ف لعالم
بدل| لعام | الترتيب |
|---|---|
| 2022[3] | أولطراس وينرز (1)
أولطراس شاركس (3) |
| 2020 | أولطراس كورفا سود كازا (4)
أولطراس كورفا تشي (1) |
| 2019 | أولطراس وينرز (1)
أولطراس راجا (6) |
| 2018 | أولطراس راجا (6) |
| 2016 | أولطراس هيركولوس (4) |
| 2015 | أولطراس وينرز (1) |
عيون لكلام
بدل- ^ "بالفيديو والصور.. السبت الأسود فى المغرب.. قتلى وجرحى فى احتفالات جماهير الرجاء بذكرى تأسيس النادى بسبب الزعامة.. اجتماع طارئ للاتحاد المغربى لبحث أعمال العنف.. وعقوبات قاسية تنتظر "النسور"". اليوم السابع (ب لعربية). 2016-03-20. مأرشيڤي من لأصل ف 2023-07-07. تطّالع عليه ب تاريخ 2023-07-10.
- ^ "جامعة الكرة المغربية تقرر إيقاف كل مباريات كرة القدم". 2M.ma (ب لعربية). مأرشيڤي من لأصل ف 2023-07-08. تطّالع عليه ب تاريخ 2023-07-11.
- ^ Football، Dialectik (2022-12-28). ""Top10 Ultras of 2022": le classement des meilleures ambiances au monde sacre les ultras du Wydad Casablanca". Dialectik Football (ب لفرانساوية). مأرشيڤي من لأصل ف 2023-07-11. تطّالع عليه ب تاريخ 2023-07-11.