أنترنيت

(تحولات من أنتيرنيت)

أنترنيت (بلينݣليزية Internet) هوّا سيستيم عالامي تيربط ما بين ريزوات ديال لورديناطورات باش تقدر تتواصل معا بعضياتها. لانترنيت هوّا ريزو ديال رّيزوات فيها لّي عمومية ؤ لّي خصوصية، تاتخدم كولّها ب نفس لپروطوكولات. لأنترنيت ماشي هوّا لويب. هاد لّخّر هوّا رّيزو ديال لپاجات لّي كتحدّد ب لأدريسة د لويب (بحال https://ary.wikipedia.org)، ؤ لّي مرتابطة بيناتها بستيعمال ليانات. بمعنى أخور، لأنترنيت كيمتل رّيزو لمادي ديال لپيسيات ؤ لأجهزة لّي مرتابطة بيناتها، ؤ لويب كيمتل رّيزو لمعلوماتي لّي مأمپليمونطي فوق من لأنترنيت. ف ليستيعمال لعادي كاينين بزاف د نّاس ماكيفرقوش بيناتهم.

طرف ديال شبكات مربوطة بيناتها بأنترنيت.

أول سيرڤور د أنترنيت ف لعالم، تخدّم ف 1991.

لأصل ديال أنترنيت بدا ف لميريكان، ملّي لعسكر ديالهم خرّجو طّيكنولوجيا د آرپانيط ف 1969[1]، ؤ لّي هيّا لمرة لّولة ف لعالم رتابطو فيها بزاف ديال لورديناطورات بيناتهم. تطورات هاد طّيكنولوجيا، ولاكين بقات مخدّمة غي عند لعسكر، تال تّمانينات ديال لقرن لعشرين فين ولاّو كيخدّموها تا لجامعات. سّميّة تبدّلات ؤ ولاّت أنترنيت ف 1 يناير 1983.

تّخدام د أنترنيت من نّاس كاملين ولاّ مسموح ف لّول ديال تّسعينات، ؤ لموقع لّول تدار ف لويب ف 1991، ؤ موراها بدا تيتزاد لعدد د نّاس لّي تيخدّموه ف لعالم كامل. لمغريب دخّل لأنترنت ف 1994.[2]

عيون لكلام بدل

  1. ^ "في العام 1969: أول همسة على الإنترنت - شير أمريكا (2017)". مأرشيڤي من لأصل ف 17 يونيو 2022.
  2. ^ "المغرب يطلق الجيل الرابع من شبكة الإنترنت - الحياة (2015)". مأرشيڤي من لأصل ف 2022-11-29. تطّالع عليه ب تاريخ 2021-01-16.
  تقدر تزيد شوف بزاف د تّصاور و لمعلومات ديال Internet ف ويكيميديا كومنز.
 
هادي زريعة ديال مقالة خاصها تّوسع. تقدر تشارك ف لكتبة ديالها.