كيوسك ديال طلب
لكيوسكات د طلب ولا لبورنات د طلب هوما ماكينات كتفاعل مع بنادم و كتخليهم يديرو طلبات ولا يوصلو لخدمات بلا ما يحتاجو للخداما. هاد الماكينات كتكون فيها شاشا طاكتيل و كيخدمو بيها فبزاف ديال لبلايص، بحال سناكات, لمطارات, لبنكات و زيد و زيد... باش يسهلو الخدما و يكسبو لكليان.[1]
تاريخ بدل
أول مرة بانو هاد لكيوسكات ف 1980[2]، فين بداو يبانو ماكينات بساط فبلايص عمومية، بحال لمطارات ولمحطات ديال تران. هاد الماكينات لولين، واخا كانو ناضيين، و لكن كانو محدودين و ماكانوش كيتفاعلو مع بنادم.
ف 1990، بداو لكيوسكات كايبانو فسناكات، بلخصوص لمطاعم لكبار لي بداو كيقلبو على كيفاش يزربو لخدمة ويقللو من لخداما، بسباب هادشي بداو كيخدمو بهاد تكنولوجيا باش يخليو لكليان يطلب لي بغا بلا ما يتعامل مع سرباي.
مثلا، ماكدونالدز كانت وحدة من شركات لولين لي دخلو فهاد لمجال، و بداو كيجربو لكيوسكات ف 1999.
فجوايه 2000، فاش بدات لانترنت كتنتاشر و كتعمم هادشي خلا لكيوسكات يندامجو فسيستيمات ديال شركات و بداو كيزعمو عليهم، هاد لماكينات تطورو و تحسنو فيهم بزاف ديال لحوايج بحال سرعة، و زادوهم سيستيم ديال لخلاص بلاكارط د لبانكة و بلكاش، بحال سيستيم ديال تيليبوتيك, شي لي للي خلا تعامل مزروب و مضمون.[3]
لخدمة بدل
لكيوسكات د طلب كتخدم بشاشة طاكتيل كتخلي ناس يختارو لخدمة و سلعة لي بغاو، و يبدلو داكشي لي بغاو، ويخلصو مباشرة بطرق ديال لخلاص مدموجة بحال لي كارط د لبانكة و لكاش.[4]
هاد لماكينات عندهم بزاف ديال لوضائف:
- كيزيدو سرعة د طلب و كيسهلوه
- كيحيدو لأخطاء لي كيديرو سربايا
- كيوفرو معلومات اكثر للكليان
- كينقصو تكاليف و كيقللو احتياج لخدامة
- كيجمعو الداطا
عيون لكلام بدل
- ^ "Bornes de Commande" (ب لفرانساوية). 2024-05-06. تطّالع عليه ب تاريخ 2024-05-20.
- ^ Tally، Melissa (2017-03-22). "The Evolution of Self-Service Kiosks". Meridian Kiosks (ب نڭليزية). تطّالع عليه ب تاريخ 2024-05-20.
- ^ "Kiosk History". Self Service Kiosk Machine (ب نڭليزية). تطّالع عليه ب تاريخ 2024-05-20.
- ^ "Self-Service Kiosks - 3 Important Benefits !" (ب لفرانساوية). 2024-04-22. تطّالع عليه ب تاريخ 2024-05-20.